PICIGIN NA RESNIKU
Izuzetno lijepo vrijeme s temperaturama zraka i do 25 stupnjeva te ugodnim temperaturama mora oko 20 stupnjeva, zadržalo je na plažama ponekog kupača, a među njima su i piciginaši na plaži u Resniku, koji ovih dana uživaju u ljetnom ugođaju iako smo dobro zašli u jesen. U njihovoj zabavi uhvatio ih je i fotoobjektiv našeg čitatelja.
A fotografije piciginaša prati i tekst o bogatstvu i ljepoti mjesta u kojem živimo, kako ga je vidio Dragan Kovač sa portala sućurac.info…
Ma ča su Bačvice kontra Kaštela grada
Je, lipo ovo u naslovu zvuči, jerbo oni bokun Bačvic ne more se nikako mirit sa naši 17 kilometri, ča plaže , ča rive, ča oni judi ča te rive, plaže čine onin ča jesu. A čine ij živin, daju in dušu, zbog nji se ni Suncu neda mečat škvere nazad, jerbo bi ji i ono najrađe gledalo kako se kobacaju, bacaju, ljeskaju dok igradu picigin.
A igradu ga već dugo, masho dugo, sve čekajuć da če ji koko uslikat i meknit u novine , oli napisat dvi tri riči, oli ji na tv meknit. Oli su Bačvice izmislile picigin?
Ma i ne čekaju ga, vengo ga s gušton igraju, guštaju ča su se otrgli onen oubičajenon ritmu o života, bacakaju se po pličaku, točaju noge u pisku i diko se ošervaju judima ča prolaze i čude se: A ča je ovima? E, otima more samo poruka: Oli je teplo more...da teplo, pa tek je dvajstisedmi desetoga, imamo još vrimena do studenoga.
Ma eto trefija i oti dan, ča oče reč da se meka tamo neki fotograf, razbacalo se sve, od skokov, od valov, od pjene, a ča bi mi iz Mashograda rekli, masho! Masho! I neka ji! Da ni nji nebi bilo ni ovi tekst i slik.
Pa neka se zna.
